མཉམ་ཞུགས།

སྤྱིར་བཏང་ལམ་སྟོན།

ལས་གཞི་གང་རུང་ནང་མཉམ་ཞུགས་གནང་ཆེད་གཤམ་གསལ་དོན་ཚན་ཁག་ལ་ཐུགས་སྣང་གནང་རོགས།

• ང་ཚོའི་ལས་གཞི་ཁག་ལ་རྒྱུས་མངའ་དང་། ཚོགས་པའི་དམིགས་ཡུལ་དང་ལས་དོན་ལ་རྒྱབ་སྐྱོར་ཡོད་པ།
• མི་སྒེར་དང་སྤྱི་ཚོགས་ལ་བཟང་ཕྱོགས་ཀྱི་ཤུགས་རྐྱེན་སྤྲོད་རྒྱུའི་འདུན་པ་ཡོད་པ།
• རང་ལོ་ ༡༨ ཡན་ཡིན་པ།
• རིག་གཞུང་འདྲ་མིན་ལ་བརྩི་བཀུར་དང་། སྤྱི་ཚོགས་ཞབས་ཞུ། ཚོགས་པའི་སྒྲིག་གཞི་བཅས་ལ་སྲུང་བརྩི་ཞུ་མཁན་བཅས་ཡིན་དགོས།

དང་བླངས་ཞབས་ཞུ།

ཁྱེད་ཀྱི་དུས་ཚོད་དང་། ཤེས་ཡོན། ནུས་པ་བཅས་ང་ཚོའི་ལས་གཞི་དང་སྤྱི་ཚོགས་ཀྱི་ཆེད་དུ་མཉམ་སྤྱོད་གནང་རོགས།

• དང་བླངས་པ་རྣམས་ནས་ལས་གཞིའི་དགོས་མཁོ་ལྟར་བདུན་ཕྲག་རེར་ཆུ་ཚོད་ ༢ ནས་ ༣ བར་གནང་ཐུབ་པ་དགོས།
• དམིགས་བསལ་རྒྱབ་ལྗོངས་གང་ཡང་མི་དགོས། ལྷག་བསམ་རྣམ་དག་གིས་ཞབས་འདེགས་ཞུ་འདོད་ཡོད་ན་ཆོག
• དང་བླངས་པ་རྣམས་ནས་ལས་བྱེད་དང་། མཉམ་ཞུགས་པ། སྤྱི་ཚོགས་ཀྱི་ཁོངས་མི་གཞན་བཅས་དང་མཉམ་དུ་བརྩི་བཀུར་ངང་ཕྱག་ལས་གནང་དགོས། → འགོ་འཛུགས་གནང་ཆེད་ང་ཚོའི་དང་བླངས་སྙན་ཞུའི་འགེངས་ཤོག་བཀང་རོགས།

ཚོགས་མིའི་ཁོངས་སུ་འཛུལ་ཞུགས།

ང་ཚོའི་ཚོགས་མིའི་ཁོངས་སུ་ཞུགས་ནས་ལྷ་ཚོགས་པ་འདི་ཉིད་ཡར་རྒྱས་གཏོང་རྒྱུར་རྒྱབ་སྐྱོར་གནང་རོགས།

• ཚོགས་མི་རྣམས་ནས་ལྷ་ཚོགས་པའི་དམིགས་ཡུལ་དང་། ལས་དོན། ལས་གཞི་ཁག་ལ་རྒྱབ་སྐྱོར་གནང་དགོས།
• ཚོགས་མི་རྣམས་ནས་ལོ་རེའི་ཚོགས་དངུལ་འབུལ་རྒྱུའི་ཁས་ལེན་གནང་དགོས།
• ཚོགས་མི་རྣམས་ནས་སྤྱི་ཚོགས་ཀྱི་འདུ་འཛོམས་དང་། རིག་གཞུང་ལས་གཞི་ཁག་ལ་མཉམ་ཞུགས་གནང་རྒྱུའི་སྐུལ་ལྕག་ཞུ་བཞིན་ཡོད།
• ཚོགས་མི་རྣམས་ནས་ལོ་འཁོར་ཚོགས་ཆེན་ (AGM) ལ་མཉམ་ཞུགས་དང་དགོངས་འཆར་འདོན་ཆོག → ཚོགས་དངུལ་གྱི་གནས་ཚུལ་དང་དེབ་སྐྱེལ་བྱེད་ཕྱོགས་སྐོར་ང་ཚོར་འབྲེལ་བ་གནང་རོགས། གློག་འཕྲིན་ཁ་བྱང་། [email protected]

ཞལ་འདེབས་དང་སྦྱིན་བདག་གནང་བ།

ཞལ་འདེབས་ཆེ་ཆུང་ལ་མ་ལྟོས་པར་དེས་ང་ཚོའི་ལས་གཞི་ཁག་རྒྱུན་འཛིན་དང་། ཁྱབ་ཚད་ཆེ་རུ་གཏོང་རྒྱུར་ཕན་ཐོགས་ཆེན་པོ་ཡོད།

• ཞལ་འདེབས་གནང་ཆེད་ “Donate” ཞེས་པའི་ཐོག་གནན་ནས་དྲ་རྒྱའི་བརྒྱུད་ནས་ཞལ་འདེབས་འབུལ་ཐུབ།
• ལས་གཞི་བྱེ་བྲག་པ་ཞིག་ལ་སྦྱིན་བདག་གམ་རྒྱབ་སྐྱོར་གནང་འདོད་ན། གཤམ་གསལ་འབྲེལ་གཏུགས་གློག་འཕྲིན་བརྒྱུད་ང་ཚོར་འབྲེལ་བ་གནང་རོགས། → དྲ་རྒྱའི་ཐོག་ནས་ཞལ་འདེབས་འབུལ་ཆེད་ “Donate” ཞེས་པའི་ཐོག་གནན་རོགས།

མཉམ་འབྲེལ་ལས་དོན།

ང་ཚོ་དང་མཉམ་ལས་གནང་འདོད་ཡོད་པའི་ཁེ་མེད་ཚོགས་པ་དང་། སློབ་གཉེར་ཁང་། སྤྱི་ཚོགས་སྒྲིག་འཛུགས་ཁག་དང་མཉམ་དུ་ལས་དོན་མཉམ་ལས་བྱ་རྒྱུར་དགའ་བསུ་ཞུ་བཞིན་ཡོད། → མཉམ་འབྲེལ་གནང་འདོད་ཡོད་ན་གཤམ་གསལ་གློག་འཕྲིན་བརྒྱུད་ང་ཚོར་འབྲེལ་བ་གནང་རོགས། [email protected]

རིག་གཞུང་མ་དངུལ།

ཚོགས་པར་རྒྱབ་སྐྱོར་གནང་སྟངས་དོན་སྙིང་ལྡན་ཤོས་ཤིག་ནི། འཆར་གཞི་ལྡན་པའི་ཞལ་འདེབས་སམ་མ་བརྟན་འཇགས་མ་དངུལ་རྒྱབ་སྐྱོར་གནང་རྒྱུ་དེ་ཡིན། ཁྱེད་ཀྱི་མ་འོངས་པའི་དཔལ་འབྱོར་འཆར་གཞིའི་ནང་ལྷ་ཚོགས་པ་འདི་ཉིད་ཆེད་མ་དངུལ་རོགས་རམ་གནང་བ་དེས། བོད་ཀྱི་རིག་གཞུང་དང་སྤྱི་ཚོགས་འདི་ཉིད་མི་རབས་ནས་མི་རབས་བར་དར་རྒྱས་གཏོང་བའི་གཏན་འཇགས་ཀྱི་གཞི་རྟེན་ཞིག་བསྐྲུན་གྱི་ཡོད། → འཆར་གཞི་ལྡན་པའི་ཞལ་འདེབས་སྐོར་ལ་བཀའ་མོལ་གནང་ཆེད་ང་ཚོར་འབྲེལ་བ་གནང་རོགས། གློག་འཕྲིན་ཁ་བྱང་། [email protected]

ཁྱེད་ཀྱིས་དང་བླངས་ཞབས་ཞུ་དང་། ཚོགས་མི། མཉམ་འབྲེལ། ཞལ་འདེབས་བཅས་གང་རུང་གི་བརྒྱུད་ནས་རྒྱབ་སྐྱོར་གནང་བ་དེས། ང་ཚོའི་རིག་གཞུང་སྲུང་སྐྱོབ་དང་། སྤྱི་ཚོགས་སྲ་བརྟན། དོན་ཕན་ལྡན་པའི་འགྱུར་བ་གཏོང་རྒྱུ་བཅས་ལ་ལེགས་སྐྱེས་ཆེན་པོ་འབུལ་གྱི་ཡོད་པས་ཐུགས་རྗེ་ཆེ་ཞུ་རྒྱུ་ཡིན།